תהילים87

פזא לִבְנֵי-קֹרַח מִזְמוֹר שִׁיר: יְסוּדָתוֹ בְּהַרְרֵי-קֹדֶשׁ.פזב אֹהֵב יְהוָה שַׁעֲרֵי צִיּוֹן מִכֹּל מִשְׁכְּנוֹת יַעֲקֹב.פזג נִכְבָּדוֹת מְדֻבָּר בָּךְ עִיר הָאֱלֹהִים סֶלָה.פזד אַזְכִּיר רַהַב וּבָבֶל לְיֹדְעָי:הִנֵּה פְלֶשֶׁת וְצֹר עִם-כּוּשׁ זֶה יֻלַּד-שָׁם.פזה וּלְצִיּוֹן יֵאָמַר אִישׁ וְאִישׁ יֻלַּד-בָּהּוְהוּא יְכוֹנְנֶהָ עֶלְיוֹן.פזו יְהוָהיִסְפֹּר בִּכְתוֹב עַמִּים: זֶה יֻלַּד-שָׁם סֶלָה.פזז וְשָׁרִים כְּחֹלְלִים כָּל-מַעְיָנַי בָּךְ.