תהילים13

יגא לַמְנַצֵּחַ מִזְמוֹר לְדָוִד.יגב עַד-אָנָה יְהוָה תִּשְׁכָּחֵנִי נֶצַח עַד-אָנָה תַּסְתִּיר אֶת-פָּנֶיךָ מִמֶּנִּי.יגג עַד-אָנָה אָשִׁית עֵצוֹת בְּנַפְשִׁי יָגוֹן בִּלְבָבִי יוֹמָםעַד-אָנָה יָרוּם אֹיְבִי עָלָי.יגד הַבִּיטָה עֲנֵנִי יְהוָה אֱלֹהָי הָאִירָה עֵינַי פֶּן-אִישַׁן הַמָּוֶת.יגה פֶּן-יֹאמַר אֹיְבִי יְכָלְתִּיו צָרַי יָגִילוּ כִּי אֶמּוֹט.יגו וַאֲנִי בְּחַסְדְּךָ בָטַחְתִּי יָגֵל לִבִּי בִּישׁוּעָתֶךָ:אָשִׁירָה לַיהוָה כִּי גָמַל עָלָי.