נחמיה7

נ זא וַיְהִי כַּאֲשֶׁר נִבְנְתָה הַחוֹמָה וָאַעֲמִיד הַדְּלָתוֹת וַיִּפָּקְדוּ הַשּׁוֹעֲרִים וְהַמְשֹׁרְרִים וְהַלְוִיִּם. נ זב וָאֲצַוֶּה אֶת-חֲנָנִי אָחִי וְאֶת-חֲנַנְיָה שַׂר הַבִּירָהעַל-יְרוּשָׁלִָם: כִּי-הוּא כְּאִישׁ אֱמֶת וְיָרֵא אֶת-הָאֱלֹהִים מֵרַבִּים. נ זג ויאמר (וָאֹמַר) לָהֶם לֹא יִפָּתְחוּ שַׁעֲרֵי יְרוּשָׁלִַם עַד-חֹם הַשֶּׁמֶשׁ וְעַד הֵם עֹמְדִים יָגִיפוּ הַדְּלָתוֹת וֶאֱחֹזוּ וְהַעֲמֵיד מִשְׁמְרוֹת יֹשְׁבֵי יְרוּשָׁלִַםאִישׁ בְּמִשְׁמָרוֹ וְאִישׁ נֶגֶד בֵּיתוֹ. נ זד וְהָעִיר רַחֲבַת יָדַיִם וּגְדֹלָה וְהָעָם מְעַט בְּתוֹכָהּ וְאֵין בָּתִּים בְּנוּיִם. נ זה וַיִּתֵּן אֱלֹהַי אֶל-לִבִּי וָאֶקְבְּצָה אֶת-הַחֹרִים וְאֶת-הַסְּגָנִים וְאֶת-הָעָם לְהִתְיַחֵשׂ וָאֶמְצָא סֵפֶר הַיַּחַשׂ הָעוֹלִים בָּרִאשׁוֹנָה וָאֶמְצָא כָּתוּב בּוֹ.

נ זו אֵלֶּה בְּנֵי הַמְּדִינָה הָעֹלִים מִשְּׁבִי הַגּוֹלָה אֲשֶׁר הֶגְלָה נְבוּכַדְנֶצַּר מֶלֶךְ בָּבֶל וַיָּשׁוּבוּ לִירוּשָׁלִַם וְלִיהוּדָה אִישׁ לְעִירוֹ. נ זז הַבָּאִים עִם-זְרֻבָּבֶל יֵשׁוּעַ נְחֶמְיָה עֲזַרְיָה רַעַמְיָה נַחֲמָנִי מָרְדֳּכַי בִּלְשָׁן מִסְפֶּרֶת בִּגְוַינְחוּם בַּעֲנָה: מִסְפַּר אַנְשֵׁי עַם יִשְׂרָאֵל. נ זח בְּנֵי פַרְעֹשׁאַלְפַּיִם מֵאָה וְשִׁבְעִים וּשְׁנָיִם. נ זט בְּנֵי שְׁפַטְיָה שְׁלֹשׁ מֵאוֹת שִׁבְעִים וּשְׁנָיִם. נ זי בְּנֵי אָרַח שֵׁשׁ מֵאוֹת חֲמִשִּׁים וּשְׁנָיִם. נ זיא בְּנֵי-פַחַת מוֹאָב לִבְנֵי יֵשׁוּעַ וְיוֹאָבאַלְפַּיִם וּשְׁמֹנֶה מֵאוֹת שְׁמֹנָה עָשָׂר. נ זיב בְּנֵי עֵילָםאֶלֶף מָאתַיִם חֲמִשִּׁים וְאַרְבָּעָה. נ זיג בְּנֵי זַתּוּא שְׁמֹנֶה מֵאוֹת אַרְבָּעִים וַחֲמִשָּׁה. נ זיד בְּנֵי זַכָּי שְׁבַע מֵאוֹת וְשִׁשִּׁים. נ זטו בְּנֵי בִנּוּי שֵׁשׁ מֵאוֹת אַרְבָּעִים וּשְׁמֹנָה. נ זטז בְּנֵי בֵבָי שֵׁשׁ מֵאוֹת עֶשְׂרִים וּשְׁמֹנָה. נ זיז בְּנֵי עַזְגָּדאַלְפַּיִם שְׁלֹשׁ מֵאוֹת עֶשְׂרִים וּשְׁנָיִם. נ זיח בְּנֵי אֲדֹנִיקָםשֵׁשׁ מֵאוֹת שִׁשִּׁים וְשִׁבְעָה. נ זיט בְּנֵי בִגְוָי אַלְפַּיִם שִׁשִּׁים וְשִׁבְעָה. נ זכ בְּנֵי עָדִין שֵׁשׁ מֵאוֹת חֲמִשִּׁים וַחֲמִשָּׁה. נ זכא בְּנֵי-אָטֵר לְחִזְקִיָּה תִּשְׁעִים וּשְׁמֹנָה. נ זכב בְּנֵי חָשֻׁם שְׁלֹשׁ מֵאוֹת עֶשְׂרִים וּשְׁמֹנָה. נ זכג בְּנֵי בֵצָי שְׁלֹשׁ מֵאוֹת עֶשְׂרִים וְאַרְבָּעָה. נ זכד בְּנֵי חָרִיף מֵאָה שְׁנֵים עָשָׂר. נ זכה בְּנֵי גִבְעוֹן תִּשְׁעִים וַחֲמִשָּׁה. נ זכו אַנְשֵׁי בֵית-לֶחֶם וּנְטֹפָה מֵאָה שְׁמֹנִים וּשְׁמֹנָה. נ זכז אַנְשֵׁי עֲנָתוֹת מֵאָה עֶשְׂרִים וּשְׁמֹנָה. נ זכח אַנְשֵׁי בֵית-עַזְמָוֶת אַרְבָּעִים וּשְׁנָיִם. נ זכט אַנְשֵׁי קִרְיַת יְעָרִים כְּפִירָה וּבְאֵרוֹת שְׁבַע מֵאוֹת אַרְבָּעִים וּשְׁלֹשָׁה. נ זל אַנְשֵׁי הָרָמָה וָגָבַע שֵׁשׁ מֵאוֹת עֶשְׂרִים וְאֶחָד. נ זלא אַנְשֵׁי מִכְמָס מֵאָה וְעֶשְׂרִים וּשְׁנָיִם. נ זלב אַנְשֵׁי בֵית-אֵל וְהָעָי מֵאָה עֶשְׂרִים וּשְׁלֹשָׁה. נ זלג אַנְשֵׁי נְבוֹ אַחֵר חֲמִשִּׁים וּשְׁנָיִם. נ זלד בְּנֵי עֵילָם אַחֵראֶלֶף מָאתַיִם חֲמִשִּׁים וְאַרְבָּעָה. נ זלה בְּנֵי חָרִם שְׁלֹשׁ מֵאוֹת וְעֶשְׂרִים. נ זלו בְּנֵי יְרֵחוֹ שְׁלֹשׁ מֵאוֹת אַרְבָּעִים וַחֲמִשָּׁה. נ זלז בְּנֵי-לֹד חָדִיד וְאֹנוֹ שְׁבַע מֵאוֹת וְעֶשְׂרִים וְאֶחָד. נ זלח בְּנֵי סְנָאָהשְׁלֹשֶׁת אֲלָפִים תְּשַׁע מֵאוֹת וּשְׁלֹשִׁים.

נ זלט הַכֹּהֲנִים: בְּנֵי יְדַעְיָה לְבֵית יֵשׁוּעַ תְּשַׁע מֵאוֹת שִׁבְעִים וּשְׁלֹשָׁה. נ זמ בְּנֵי אִמֵּר אֶלֶף חֲמִשִּׁים וּשְׁנָיִם. נ זמא בְּנֵי פַשְׁחוּראֶלֶף מָאתַיִם אַרְבָּעִים וְשִׁבְעָה. נ זמב בְּנֵי חָרִם אֶלֶף שִׁבְעָה עָשָׂר.

נ זמג הַלְוִיִּם: בְּנֵי-יֵשׁוּעַ לְקַדְמִיאֵל לִבְנֵי לְהוֹדְוָה שִׁבְעִים וְאַרְבָּעָה. נ זמד הַמְשֹׁרְרִיםבְּנֵי אָסָף מֵאָה אַרְבָּעִים וּשְׁמֹנָה. נ זמה הַשֹּׁעֲרִים בְּנֵי-שַׁלֻּם בְּנֵי-אָטֵר בְּנֵי-טַלְמֹן בְּנֵי-עַקּוּב בְּנֵי חֲטִיטָא בְּנֵי שֹׁבָימֵאָה שְׁלֹשִׁים וּשְׁמֹנָה. נ זמו הַנְּתִינִים: בְּנֵי-צִחָא בְנֵי-חֲשֻׂפָא בְּנֵי טַבָּעוֹת. נ זמז בְּנֵי-קֵירֹס בְּנֵי-סִיעָא בְּנֵי פָדוֹן. נ זמח בְּנֵי-לְבָנָה בְנֵי-חֲגָבָא בְּנֵי שַׁלְמָי. נ זמט בְּנֵי-חָנָן בְּנֵי-גִדֵּל בְּנֵי-גָחַר. נ זנ בְּנֵי-רְאָיָה בְנֵי-רְצִין בְּנֵי נְקוֹדָא. נ זנא בְּנֵי-גַזָּם בְּנֵי-עֻזָּא בְּנֵי פָסֵחַ. נ זנב בְּנֵי-בֵסַי בְּנֵי-מְעוּנִים בְּנֵי נפושסים (נְפִישְׁסִים). נ זנג בְּנֵי-בַקְבּוּק בְּנֵי-חֲקוּפָא בְּנֵי חַרְחוּר. נ זנד בְּנֵי-בַצְלִית בְּנֵי-מְחִידָא בְּנֵי חַרְשָׁא. נ זנה בְּנֵי בַרְקוֹס בְּנֵי-סִיסְרָא בְּנֵי-תָמַח. נ זנו בְּנֵי נְצִיחַ בְּנֵי חֲטִיפָא. נ זנז בְּנֵי עַבְדֵי שְׁלֹמֹה: בְּנֵי סוֹטַי בְּנֵי-סֹפֶרֶת בְּנֵי פְרִידָא. נ זנח בְּנֵי יַעְלָא בְנֵי-דַרְקוֹן בְּנֵי גִדֵּל. נ זנט בְּנֵי שְׁפַטְיָה בְנֵי-חַטִּיל בְּנֵי פֹּכֶרֶת הַצְּבָיִים בְּנֵי אָמוֹן. נ זס כָּל-הַנְּתִינִיםוּבְנֵי עַבְדֵי שְׁלֹמֹה: שְׁלֹשׁ מֵאוֹת תִּשְׁעִים וּשְׁנָיִם.

נ זסא וְאֵלֶּה הָעוֹלִים מִתֵּל מֶלַח תֵּל חַרְשָׁא כְּרוּב אַדּוֹן וְאִמֵּר וְלֹא יָכְלוּ לְהַגִּיד בֵּית-אֲבֹתָם וְזַרְעָםאִם מִיִּשְׂרָאֵל הֵם. נ זסב בְּנֵי-דְלָיָה בְנֵי-טוֹבִיָּה בְּנֵי נְקוֹדָאשֵׁשׁ מֵאוֹת וְאַרְבָּעִים וּשְׁנָיִם.

נ זסג וּמִן-הַכֹּהֲנִים בְּנֵי חֳבַיָּה בְּנֵי הַקּוֹץ: בְּנֵי בַרְזִלַּי אֲשֶׁר לָקַח מִבְּנוֹת בַּרְזִלַּי הַגִּלְעָדִי אִשָּׁה וַיִּקָּרֵא עַל-שְׁמָם. נ זסד אֵלֶּה בִּקְשׁוּ כְתָבָם הַמִּתְיַחְשִׂיםוְלֹא נִמְצָא וַיְגֹאֲלוּ מִן-הַכְּהֻנָּה. נ זסה וַיֹּאמֶר הַתִּרְשָׁתָא לָהֶם אֲשֶׁר לֹא-יֹאכְלוּ מִקֹּדֶשׁ הַקֳּדָשִׁיםעַד עֲמֹד הַכֹּהֵן לְאוּרִים וְתֻמִּים. נ זסו כָּל-הַקָּהָל כְּאֶחָדאַרְבַּע רִבּוֹא אַלְפַּיִם שְׁלֹשׁ-מֵאוֹת וְשִׁשִּׁים. נ זסז מִלְּבַד עַבְדֵיהֶם וְאַמְהֹתֵיהֶם אֵלֶּהשִׁבְעַת אֲלָפִים שְׁלֹשׁ מֵאוֹת שְׁלֹשִׁים וְשִׁבְעָה וְלָהֶם מְשֹׁרְרִים וּמְשֹׁרְרוֹתמָאתַיִם וְאַרְבָּעִים וַחֲמִשָּׁה.

נ זסח גְּמַלִּים אַרְבַּע מֵאוֹת שְׁלֹשִׁים וַחֲמִשָּׁה חֲמֹרִיםשֵׁשֶׁת אֲלָפִים שְׁבַע מֵאוֹת וְעֶשְׂרִים. נ זסט וּמִקְצָת רָאשֵׁי הָאָבוֹת נָתְנוּ לַמְּלָאכָההַתִּרְשָׁתָא נָתַן לָאוֹצָר זָהָב דַּרְכְּמֹנִים אֶלֶף מִזְרָקוֹת חֲמִשִּׁים כָּתְנוֹת כֹּהֲנִים שְׁלֹשִׁים וַחֲמֵשׁ מֵאוֹת. נ זע וּמֵרָאשֵׁי הָאָבוֹת נָתְנוּ לְאוֹצַר הַמְּלָאכָהזָהָב דַּרְכְּמוֹנִים שְׁתֵּי רִבּוֹת וְכֶסֶף מָנִים אַלְפַּיִם וּמָאתָיִם. נ זעא וַאֲשֶׁר נָתְנוּ שְׁאֵרִית הָעָםזָהָב דַּרְכְּמֹנִים שְׁתֵּי רִבּוֹא וְכֶסֶף מָנִים אַלְפָּיִם וְכָתְנֹת כֹּהֲנִים שִׁשִּׁים וְשִׁבְעָה.

נ זעב וַיֵּשְׁבוּ הַכֹּהֲנִים וְהַלְוִיִּם וְהַשּׁוֹעֲרִים וְהַמְשֹׁרְרִים וּמִן-הָעָם וְהַנְּתִינִים וְכָל-יִשְׂרָאֵלבְּעָרֵיהֶם וַיִּגַּע הַחֹדֶשׁ הַשְּׁבִיעִי וּבְנֵי יִשְׂרָאֵל בְּעָרֵיהֶם.