נחמיה3

נ גא וַיָּקָם אֶלְיָשִׁיב הַכֹּהֵן הַגָּדוֹל וְאֶחָיו הַכֹּהֲנִים וַיִּבְנוּ אֶת-שַׁעַר הַצֹּאןהֵמָּה קִדְּשׁוּהוּ וַיַּעֲמִידוּ דַּלְתֹתָיו וְעַד-מִגְדַּל הַמֵּאָה קִדְּשׁוּהוּ עַד מִגְדַּל חֲנַנְאֵל. נ גב וְעַל-יָדוֹ בָנוּ אַנְשֵׁי יְרֵחוֹ וְעַל-יָדוֹ בָנָה זַכּוּר בֶּן-אִמְרִי. נ גג וְאֵת שַׁעַר הַדָּגִים בָּנוּ בְּנֵי הַסְּנָאָה הֵמָּה קֵרוּהוּוַיַּעֲמִידוּ דַּלְתֹתָיו מַנְעוּלָיו וּבְרִיחָיו. נ גד וְעַל-יָדָם הֶחֱזִיק מְרֵמוֹת בֶּן-אוּרִיָּה בֶּן-הַקּוֹץ וְעַל-יָדָם הֶחֱזִיק מְשֻׁלָּם בֶּן-בֶּרֶכְיָה בֶּן-מְשֵׁיזַבְאֵל וְעַל-יָדָם הֶחֱזִיק צָדוֹק בֶּן-בַּעֲנָא. נ גה וְעַל-יָדָם הֶחֱזִיקוּ הַתְּקוֹעִים וְאַדִּירֵיהֶם לֹא-הֵבִיאוּ צַוָּרָם בַּעֲבֹדַת אֲדֹנֵיהֶם. נ גו וְאֵת שַׁעַר הַיְשָׁנָה הֶחֱזִיקוּ יוֹיָדָע בֶּן-פָּסֵחַ וּמְשֻׁלָּם בֶּן-בְּסוֹדְיָה הֵמָּה קֵרוּהוּוַיַּעֲמִידוּ דַּלְתֹתָיו וּמַנְעֻלָיו וּבְרִיחָיו. נ גז וְעַל-יָדָם הֶחֱזִיק מְלַטְיָה הַגִּבְעֹנִי וְיָדוֹן הַמֵּרֹנֹתִי אַנְשֵׁי גִבְעוֹן וְהַמִּצְפָּהלְכִסֵּא פַּחַת עֵבֶר הַנָּהָר. נ גח עַל-יָדוֹ הֶחֱזִיק עֻזִּיאֵל בֶּן-חַרְהֲיָה צוֹרְפִים וְעַל-יָדוֹ הֶחֱזִיק חֲנַנְיָה בֶּן-הָרַקָּחִים וַיַּעַזְבוּ יְרוּשָׁלִַם עַד הַחוֹמָה הָרְחָבָה. נ גט וְעַל-יָדָם הֶחֱזִיק רְפָיָה בֶן-חוּר שַׂר חֲצִי פֶּלֶךְ יְרוּשָׁלִָם. נ גי וְעַל-יָדָם הֶחֱזִיק יְדָיָה בֶן-חֲרוּמַף וְנֶגֶד בֵּיתוֹ וְעַל-יָדוֹ הֶחֱזִיק חַטּוּשׁ בֶּן-חֲשַׁבְנְיָה. נ גיא מִדָּה שֵׁנִית הֶחֱזִיק מַלְכִּיָּה בֶן-חָרִם וְחַשּׁוּב בֶּן-פַּחַת מוֹאָב וְאֵת מִגְדַּל הַתַּנּוּרִים. נ גיב וְעַל-יָדוֹ הֶחֱזִיק שַׁלּוּם בֶּן-הַלּוֹחֵשׁ שַׂר חֲצִי פֶּלֶךְ יְרוּשָׁלִָם הוּא וּבְנוֹתָיו. נ גיג אֵת שַׁעַר הַגַּיְא הֶחֱזִיק חָנוּן וְיֹשְׁבֵי זָנוֹחַהֵמָּה בָנוּהוּ וַיַּעֲמִידוּ דַּלְתֹתָיו מַנְעֻלָיו וּבְרִיחָיו וְאֶלֶף אַמָּה בַּחוֹמָה עַד שַׁעַר הָשְׁפוֹת. נ גיד וְאֵת שַׁעַר הָאַשְׁפּוֹת הֶחֱזִיק מַלְכִּיָּה בֶן-רֵכָב שַׂר פֶּלֶךְ בֵּית-הַכָּרֶם הוּא יִבְנֶנּוּוְיַעֲמִיד דַּלְתֹתָיו מַנְעֻלָיו וּבְרִיחָיו. נ גטו וְאֵת שַׁעַר הָעַיִן הֶחֱזִיק שַׁלּוּן בֶּן-כָּל-חֹזֶה שַׂר פֶּלֶךְ הַמִּצְפָּההוּא יִבְנֶנּוּ וִיטַלְלֶנּוּ ויעמידו (וְיַעֲמִיד) דַּלְתֹתָיו מַנְעֻלָיו וּבְרִיחָיו וְאֵת חוֹמַת בְּרֵכַת הַשֶּׁלַח לְגַן-הַמֶּלֶךְ וְעַד-הַמַּעֲלוֹת הַיּוֹרְדוֹת מֵעִיר דָּוִיד. נ גטז אַחֲרָיו הֶחֱזִיק נְחֶמְיָה בֶן-עַזְבּוּק שַׂר חֲצִי פֶּלֶךְ בֵּית-צוּרעַד-נֶגֶד קִבְרֵי דָוִיד וְעַד-הַבְּרֵכָה הָעֲשׂוּיָה וְעַד בֵּית הַגִּבֹּרִים. נ גיז אַחֲרָיו הֶחֱזִיקוּ הַלְוִיִּם רְחוּם בֶּן-בָּנִי עַל-יָדוֹ הֶחֱזִיק חֲשַׁבְיָה שַׂר-חֲצִי-פֶלֶךְ קְעִילָהלְפִלְכּוֹ. נ גיח אַחֲרָיו הֶחֱזִיקוּ אֲחֵיהֶם בַּוַּי בֶּן-חֵנָדָד שַׂר חֲצִי פֶּלֶךְ קְעִילָה. נ גיט וַיְחַזֵּק עַל-יָדוֹ עֵזֶר בֶּן-יֵשׁוּעַ שַׂר הַמִּצְפָּהמִדָּה שֵׁנִית: מִנֶּגֶד עֲלֹת הַנֶּשֶׁק הַמִּקְצֹעַ. נ גכ אַחֲרָיו הֶחֱרָה הֶחֱזִיק בָּרוּךְ בֶּן-זבי (זַכַּי) מִדָּה שֵׁנִית: מִן-הַמִּקְצוֹעַעַד-פֶּתַח בֵּית אֶלְיָשִׁיב הַכֹּהֵן הַגָּדוֹל. נ גכא אַחֲרָיו הֶחֱזִיק מְרֵמוֹת בֶּן-אוּרִיָּה בֶּן-הַקּוֹץמִדָּה שֵׁנִית: מִפֶּתַח בֵּית אֶלְיָשִׁיב וְעַד-תַּכְלִית בֵּית אֶלְיָשִׁיב. נ גכב וְאַחֲרָיו הֶחֱזִיקוּ הַכֹּהֲנִים אַנְשֵׁי הַכִּכָּר. נ גכג אַחֲרָיו הֶחֱזִיק בִּנְיָמִן וְחַשּׁוּב נֶגֶד בֵּיתָם אַחֲרָיו הֶחֱזִיק עֲזַרְיָה בֶן-מַעֲשֵׂיָה בֶּן-עֲנָנְיָהאֵצֶל בֵּיתוֹ. נ גכד אַחֲרָיו הֶחֱזִיק בִּנּוּי בֶּן-חֵנָדָדמִדָּה שֵׁנִית: מִבֵּית עֲזַרְיָה עַד-הַמִּקְצוֹעַ וְעַד-הַפִּנָּה. נ גכה פָּלָל בֶּן-אוּזַי מִנֶּגֶד הַמִּקְצוֹעַ וְהַמִּגְדָּל הַיּוֹצֵא מִבֵּית הַמֶּלֶךְ הָעֶלְיוֹן אֲשֶׁר לַחֲצַר הַמַּטָּרָה אַחֲרָיו פְּדָיָה בֶן-פַּרְעֹשׁ. נ גכו וְהַנְּתִינִיםהָיוּ יֹשְׁבִים בָּעֹפֶל: עַד נֶגֶד שַׁעַר הַמַּיִם לַמִּזְרָח וְהַמִּגְדָּל הַיּוֹצֵא. נ גכז אַחֲרָיו הֶחֱזִיקוּ הַתְּקֹעִים מִדָּה שֵׁנִית: מִנֶּגֶד הַמִּגְדָּל הַגָּדוֹל הַיּוֹצֵא וְעַד חוֹמַת הָעֹפֶל. נ גכח מֵעַל שַׁעַר הַסּוּסִים הֶחֱזִיקוּ הַכֹּהֲנִיםאִישׁ לְנֶגֶד בֵּיתוֹ. נ גכט אַחֲרָיו הֶחֱזִיק צָדוֹק בֶּן-אִמֵּר נֶגֶד בֵּיתוֹ וְאַחֲרָיו הֶחֱזִיק שְׁמַעְיָה בֶן-שְׁכַנְיָה שֹׁמֵר שַׁעַר הַמִּזְרָח. נ גל אחרי (אַחֲרָיו) הֶחֱזִיק חֲנַנְיָה בֶן-שֶׁלֶמְיָה וְחָנוּן בֶּן-צָלָף הַשִּׁשִּׁימִדָּה שֵׁנִי אַחֲרָיו הֶחֱזִיק מְשֻׁלָּם בֶּן-בֶּרֶכְיָהנֶגֶד נִשְׁכָּתוֹ. נ גלא אחרי (אַחֲרָיו) הֶחֱזִיק מַלְכִּיָּה בֶּן-הַצֹּרְפִיעַד-בֵּית הַנְּתִינִים וְהָרֹכְלִים: נֶגֶד שַׁעַר הַמִּפְקָד וְעַד עֲלִיַּת הַפִּנָּה. נ גלב וּבֵין עֲלִיַּת הַפִּנָּה לְשַׁעַר הַצֹּאן הֶחֱזִיקוּ הַצֹּרְפִים וְהָרֹכְלִים.

נ גלג וַיְהִי כַּאֲשֶׁר שָׁמַע סַנְבַלַּט כִּי-אֲנַחְנוּ בוֹנִים אֶת-הַחוֹמָה וַיִּחַר לוֹ וַיִּכְעַס הַרְבֵּה וַיַּלְעֵג עַל-הַיְּהוּדִים. נ גלד וַיֹּאמֶר לִפְנֵי אֶחָיו וְחֵיל שֹׁמְרוֹן וַיֹּאמֶר מָה הַיְּהוּדִים הָאֲמֵלָלִים עֹשִׂים הֲיַעַזְבוּ לָהֶם הֲיִזְבָּחוּ הַיְכַלּוּ בַיּוֹם הַיְחַיּוּ אֶת-הָאֲבָנִים מֵעֲרֵמוֹת הֶעָפָר וְהֵמָּה שְׂרוּפוֹת. נ גלה וְטוֹבִיָּה הָעַמֹּנִי אֶצְלוֹ וַיֹּאמֶר גַּם אֲשֶׁר-הֵם בּוֹנִיםאִם-יַעֲלֶה שׁוּעָל וּפָרַץ חוֹמַת אַבְנֵיהֶם.

נ גלו שְׁמַע אֱלֹהֵינוּ כִּי-הָיִינוּ בוּזָה וְהָשֵׁב חֶרְפָּתָם אֶל-רֹאשָׁם וּתְנֵם לְבִזָּה בְּאֶרֶץ שִׁבְיָה. נ גלז וְאַל-תְּכַס עַל-עֲוֹנָם וְחַטָּאתָם מִלְּפָנֶיךָ אַל-תִּמָּחֶה: כִּי הִכְעִיסוּ לְנֶגֶד הַבּוֹנִים. נ גלח וַנִּבְנֶה אֶת-הַחוֹמָה וַתִּקָּשֵׁר כָּל-הַחוֹמָה עַד-חֶצְיָהּ וַיְהִי לֵב לָעָם לַעֲשׂוֹת.