דברי א6

א וא בְּנֵי לֵוִי: גֵּרְשֹׁם קְהָת וּמְרָרִי. א וב וְאֵלֶּה שְׁמוֹת בְּנֵי-גֵרְשׁוֹם לִבְנִי וְשִׁמְעִי. א וג וּבְנֵי קְהָתעַמְרָם וְיִצְהָר וְחֶבְרוֹן וְעֻזִּיאֵל. א וד בְּנֵי מְרָרִי מַחְלִי וּמֻשִׁי וְאֵלֶּה מִשְׁפְּחוֹת הַלֵּוִי לַאֲבֹתֵיהֶם. א וה לְגֵרְשׁוֹםלִבְנִי בְנוֹ יַחַת בְּנוֹ זִמָּה בְנוֹ. א וו יוֹאָח בְּנוֹ עִדּוֹ בְנוֹ זֶרַח בְּנוֹ יְאָתְרַי בְּנוֹ. א וז בְּנֵי קְהָתעַמִּינָדָב בְּנוֹ קֹרַח בְּנוֹ אַסִּיר בְּנוֹ. א וח אֶלְקָנָה בְנוֹ וְאֶבְיָסָף בְּנוֹ וְאַסִּיר בְּנוֹ. א וט תַּחַת בְּנוֹ אוּרִיאֵל בְּנוֹ עֻזִּיָּה בְנוֹ וְשָׁאוּל בְּנוֹ. א וי וּבְנֵי אֶלְקָנָהעֲמָשַׂי וַאֲחִימוֹת. א ויא אֶלְקָנָהבנו (בְּנֵי) אֶלְקָנָה צוֹפַי בְּנוֹ וְנַחַת בְּנוֹ. א ויב אֱלִיאָב בְּנוֹ יְרֹחָם בְּנוֹ אֶלְקָנָה בְנוֹ. א ויג וּבְנֵי שְׁמוּאֵל הַבְּכֹר וַשְׁנִי וַאֲבִיָּה. א ויד בְּנֵי מְרָרִי מַחְלִי לִבְנִי בְנוֹ שִׁמְעִי בְנוֹ עֻזָּה בְנוֹ. א וטו שִׁמְעָא בְנוֹ חַגִּיָּה בְנוֹ עֲשָׂיָה בְנוֹ.

א וטז וְאֵלֶּה אֲשֶׁר הֶעֱמִיד דָּוִיד עַל-יְדֵי-שִׁירבֵּית יְהוָה: מִמְּנוֹחַ הָאָרוֹן. א ויז וַיִּהְיוּ מְשָׁרְתִים לִפְנֵי מִשְׁכַּן אֹהֶל-מוֹעֵד בַּשִּׁיר עַד-בְּנוֹת שְׁלֹמֹה אֶת-בֵּית יְהוָה בִּירוּשָׁלִָם וַיַּעַמְדוּ כְמִשְׁפָּטָם עַל-עֲבוֹדָתָם. א ויח וְאֵלֶּה הָעֹמְדִים וּבְנֵיהֶם: מִבְּנֵי הַקְּהָתִיהֵימָן הַמְשׁוֹרֵר בֶּן-יוֹאֵל בֶּן-שְׁמוּאֵל. א ויט בֶּן-אֶלְקָנָה בֶּן-יְרֹחָם בֶּן-אֱלִיאֵל בֶּן-תּוֹחַ. א וכ בֶּן-ציף (צוּף) בֶּן-אֶלְקָנָה בֶּן-מַחַת בֶּן-עֲמָשָׂי. א וכא בֶּן-אֶלְקָנָה בֶּן-יוֹאֵל בֶּן-עֲזַרְיָה בֶּן-צְפַנְיָה. א וכב בֶּן-תַּחַת בֶּן-אַסִּיר בֶּן-אֶבְיָסָף בֶּן-קֹרַח. א וכג בֶּן-יִצְהָר בֶּן-קְהָת בֶּן-לֵוִי בֶּן-יִשְׂרָאֵל. א וכד וְאָחִיו אָסָף הָעֹמֵד עַל-יְמִינוֹאָסָף בֶּן-בֶּרֶכְיָהוּ בֶּן-שִׁמְעָא. א וכה בֶּן-מִיכָאֵל בֶּן-בַּעֲשֵׂיָה בֶּן-מַלְכִּיָּה. א וכו בֶּן-אֶתְנִי בֶן-זֶרַח בֶּן-עֲדָיָה. א וכז בֶּן-אֵיתָן בֶּן-זִמָּה בֶּן-שִׁמְעִי. א וכח בֶּן-יַחַת בֶּן-גֵּרְשֹׁם בֶּן-לֵוִי. א וכט וּבְנֵי מְרָרִי אֲחֵיהֶם עַל-הַשְּׂמֹאולאֵיתָן בֶּן-קִישִׁי בֶּן-עַבְדִּי בֶּן-מַלּוּךְ. א ול בֶּן-חֲשַׁבְיָה בֶן-אֲמַצְיָה בֶּן-חִלְקִיָּה. א ולא בֶּן-אַמְצִי בֶן-בָּנִי בֶּן-שָׁמֶר. א ולב בֶּן-מַחְלִי בֶּן-מוּשִׁי בֶּן-מְרָרִי בֶּן-לֵוִי. א ולג וַאֲחֵיהֶם הַלְוִיִּם: נְתוּנִיםלְכָל-עֲבוֹדַת מִשְׁכַּן בֵּית הָאֱלֹהִים. א ולד וְאַהֲרֹן וּבָנָיו מַקְטִירִים עַל-מִזְבַּח הָעוֹלָה וְעַל-מִזְבַּח הַקְּטֹרֶת לְכֹל מְלֶאכֶת קֹדֶשׁ הַקֳּדָשִׁים וּלְכַפֵּר עַל-יִשְׂרָאֵל כְּכֹל אֲשֶׁר צִוָּה מֹשֶׁה עֶבֶד הָאֱלֹהִים.

א ולה וְאֵלֶּה בְּנֵי אַהֲרֹןאֶלְעָזָר בְּנוֹ פִּינְחָס בְּנוֹ אֲבִישׁוּעַ בְּנוֹ. א ולו בֻּקִּי בְנוֹ עֻזִּי בְנוֹ זְרַחְיָה בְנוֹ. א ולז מְרָיוֹת בְּנוֹ אֲמַרְיָה בְנוֹ אֲחִיטוּב בְּנוֹ. א ולח צָדוֹק בְּנוֹ אֲחִימַעַץ בְּנוֹ. א ולט וְאֵלֶּה מוֹשְׁבוֹתָם לְטִירוֹתָם בִּגְבוּלָםלִבְנֵי אַהֲרֹן לְמִשְׁפַּחַת הַקְּהָתִי כִּי לָהֶם הָיָה הַגּוֹרָל. א ומ וַיִּתְּנוּ לָהֶם אֶת-חֶבְרוֹן בְּאֶרֶץ יְהוּדָה וְאֶת-מִגְרָשֶׁיהָ סְבִיבֹתֶיהָ. א ומא וְאֶת-שְׂדֵה הָעִיר וְאֶת-חֲצֵרֶיהָנָתְנוּ לְכָלֵב בֶּן-יְפֻנֶּה. א ומב וְלִבְנֵי אַהֲרֹן נָתְנוּ אֶת-עָרֵי הַמִּקְלָטאֶת-חֶבְרוֹן וְאֶת-לִבְנָה וְאֶת-מִגְרָשֶׁיהָ וְאֶת-יַתִּר וְאֶת-אֶשְׁתְּמֹעַ וְאֶת-מִגְרָשֶׁיהָ. א ומג וְאֶת-חִילֵז וְאֶת-מִגְרָשֶׁיהָ אֶת-דְּבִיר וְאֶת-מִגְרָשֶׁיהָ. א ומד וְאֶת-עָשָׁן וְאֶת-מִגְרָשֶׁיהָ וְאֶת-בֵּית שֶׁמֶשׁ וְאֶת-מִגְרָשֶׁיהָ. א ומה וּמִמַּטֵּה בִנְיָמִן אֶת-גֶּבַע וְאֶת-מִגְרָשֶׁיהָ וְאֶת-עָלֶמֶת וְאֶת-מִגְרָשֶׁיהָ וְאֶת-עֲנָתוֹת וְאֶת-מִגְרָשֶׁיהָ כָּל-עָרֵיהֶם שְׁלֹשׁ-עֶשְׂרֵה עִיר בְּמִשְׁפְּחוֹתֵיהֶם. א ומו וְלִבְנֵי קְהָת הַנּוֹתָרִים מִמִּשְׁפַּחַת הַמַּטֶּה מִמַּחֲצִית מַטֵּה חֲצִי מְנַשֶּׁה בַּגּוֹרָלעָרִים עָשֶׂר.

א ומז וְלִבְנֵי גֵרְשׁוֹם לְמִשְׁפְּחוֹתָם מִמַּטֵּה יִשָּׂשכָר וּמִמַּטֵּה אָשֵׁר וּמִמַּטֵּה נַפְתָּלִי וּמִמַּטֵּה מְנַשֶּׁה בַּבָּשָׁןעָרִים שְׁלֹשׁ עֶשְׂרֵה. א ומח לִבְנֵי מְרָרִי לְמִשְׁפְּחוֹתָם מִמַּטֵּה רְאוּבֵן וּמִמַּטֵּה-גָד וּמִמַּטֵּה זְבֻלוּן בַּגּוֹרָלעָרִים שְׁתֵּים עֶשְׂרֵה. א ומט וַיִּתְּנוּ בְנֵי-יִשְׂרָאֵל לַלְוִיִּם אֶת-הֶעָרִים וְאֶת-מִגְרְשֵׁיהֶם. א ונ וַיִּתְּנוּ בַגּוֹרָל מִמַּטֵּה בְנֵי-יְהוּדָה וּמִמַּטֵּה בְנֵי-שִׁמְעוֹן וּמִמַּטֵּה בְּנֵי בִנְיָמִןאֵת הֶעָרִים הָאֵלֶּה אֲשֶׁר-יִקְרְאוּ אֶתְהֶם בְּשֵׁמוֹת. א ונא וּמִמִּשְׁפְּחוֹת בְּנֵי קְהָתוַיְהִי עָרֵי גְבוּלָם מִמַּטֵּה אֶפְרָיִם. א ונב וַיִּתְּנוּ לָהֶם אֶת-עָרֵי הַמִּקְלָט אֶת-שְׁכֶם וְאֶת-מִגְרָשֶׁיהָבְּהַר אֶפְרָיִם וְאֶת-גֶּזֶר וְאֶת-מִגְרָשֶׁיהָ. א ונג וְאֶת-יָקְמְעָם וְאֶת-מִגְרָשֶׁיהָ וְאֶת-בֵּית חוֹרוֹן וְאֶת-מִגְרָשֶׁיהָ. א ונד וְאֶת-אַיָּלוֹן וְאֶת-מִגְרָשֶׁיהָ וְאֶת-גַּת-רִמּוֹן וְאֶת-מִגְרָשֶׁיהָ. א ונה וּמִמַּחֲצִית מַטֵּה מְנַשֶּׁה אֶת-עָנֵר וְאֶת-מִגְרָשֶׁיהָ וְאֶת-בִּלְעָם וְאֶת-מִגְרָשֶׁיהָלְמִשְׁפַּחַת לִבְנֵי-קְהָת הַנּוֹתָרִים.

א ונו לִבְנֵי גֵּרְשׁוֹםמִמִּשְׁפַּחַת חֲצִי מַטֵּה מְנַשֶּׁה אֶת-גּוֹלָן בַּבָּשָׁן וְאֶת-מִגְרָשֶׁיהָ וְאֶת-עַשְׁתָּרוֹת וְאֶת-מִגְרָשֶׁיהָ. א ונז וּמִמַּטֵּה יִשָּׂשכָר אֶת-קֶדֶשׁ וְאֶת-מִגְרָשֶׁיהָ אֶת-דָּבְרַת וְאֶת-מִגְרָשֶׁיהָ. א ונח וְאֶת-רָאמוֹת וְאֶת-מִגְרָשֶׁיהָ וְאֶת-עָנֵם וְאֶת-מִגְרָשֶׁיהָ. א ונט וּמִמַּטֵּה אָשֵׁר אֶת-מָשָׁל וְאֶת-מִגְרָשֶׁיהָ וְאֶת-עַבְדּוֹן וְאֶת-מִגְרָשֶׁיהָ. א וס וְאֶת-חוּקֹק וְאֶת-מִגְרָשֶׁיהָ וְאֶת-רְחֹב וְאֶת-מִגְרָשֶׁיהָ. א וסא וּמִמַּטֵּה נַפְתָּלִי אֶת-קֶדֶשׁ בַּגָּלִיל וְאֶת-מִגְרָשֶׁיהָ וְאֶת-חַמּוֹן וְאֶת-מִגְרָשֶׁיהָ וְאֶת-קִרְיָתַיִם וְאֶת-מִגְרָשֶׁיהָ. א וסב לִבְנֵי מְרָרִי הַנּוֹתָרִיםמִמַּטֵּה זְבֻלוּן אֶת-רִמּוֹנוֹ וְאֶת-מִגְרָשֶׁיהָ אֶת-תָּבוֹר וְאֶת-מִגְרָשֶׁיהָ. א וסג וּמֵעֵבֶר לְיַרְדֵּן יְרֵחוֹ לְמִזְרַח הַיַּרְדֵּןמִמַּטֵּה רְאוּבֵן אֶת-בֶּצֶר בַּמִּדְבָּר וְאֶת-מִגְרָשֶׁיהָ וְאֶת-יַהְצָה וְאֶת-מִגְרָשֶׁיהָ. א וסד וְאֶת-קְדֵמוֹת וְאֶת-מִגְרָשֶׁיהָ וְאֶת-מֵיפַעַת וְאֶת-מִגְרָשֶׁיהָ. א וסה וּמִמַּטֵּה-גָדאֶת-רָאמוֹת בַּגִּלְעָד וְאֶת-מִגְרָשֶׁיהָ וְאֶת-מַחֲנַיִם וְאֶת-מִגְרָשֶׁיהָ. א וסו וְאֶת-חֶשְׁבּוֹן וְאֶת-מִגְרָשֶׁיהָ וְאֶת-יַעְזֵיר וְאֶת-מִגְרָשֶׁיהָ.