דברי א2

א בא אֵלֶּה בְּנֵי יִשְׂרָאֵל: רְאוּבֵן שִׁמְעוֹן לֵוִי וִיהוּדָה יִשָּׂשכָר וּזְבֻלוּן. א בב דָּן יוֹסֵף וּבִנְיָמִן נַפְתָּלִי גָּד וְאָשֵׁר.

א בג בְּנֵי יְהוּדָה עֵר וְאוֹנָן וְשֵׁלָהשְׁלוֹשָׁה נוֹלַד לוֹ מִבַּת-שׁוּעַ הַכְּנַעֲנִית וַיְהִי עֵר בְּכוֹר יְהוּדָה רַע בְּעֵינֵי יְהוָהוַיְמִיתֵהוּ. א בד וְתָמָר כַּלָּתוֹ יָלְדָה לּוֹ אֶת-פֶּרֶץ וְאֶת-זָרַח כָּל-בְּנֵי יְהוּדָה חֲמִשָּׁה. א בה בְּנֵי-פֶרֶץ חֶצְרוֹן וְחָמוּל. א בו וּבְנֵי זֶרַח זִמְרִי וְאֵיתָן וְהֵימָן וְכַלְכֹּל וָדָרַעכֻּלָּם חֲמִשָּׁה. א בז וּבְנֵי כַּרְמִיעָכָר עוֹכֵר יִשְׂרָאֵל אֲשֶׁר מָעַל בַּחֵרֶם. א בח וּבְנֵי אֵיתָן עֲזַרְיָה. א בט וּבְנֵי חֶצְרוֹן אֲשֶׁר נוֹלַד-לוֹאֶת-יְרַחְמְאֵל וְאֶת-רָם וְאֶת-כְּלוּבָי. א בי וְרָם הוֹלִיד אֶת-עַמִּינָדָב וְעַמִּינָדָב הוֹלִיד אֶת-נַחְשׁוֹן נְשִׂיא בְּנֵי יְהוּדָה. א ביא וְנַחְשׁוֹן הוֹלִיד אֶת-שַׂלְמָא וְשַׂלְמָא הוֹלִיד אֶת-בֹּעַז. א ביב וּבֹעַז הוֹלִיד אֶת-עוֹבֵד וְעוֹבֵד הוֹלִיד אֶת-יִשָׁי. א ביג וְאִישַׁי הוֹלִיד אֶת-בְּכֹרוֹ אֶת-אֱלִיאָבוַאֲבִינָדָב הַשֵּׁנִי וְשִׁמְעָא הַשְּׁלִשִׁי. א ביד נְתַנְאֵל הָרְבִיעִי רַדַּי הַחֲמִישִׁי. א בטו אֹצֶם הַשִּׁשִּׁי דָּוִיד הַשְּׁבִעִי. א בטז וְאַחְיֹתֵיהֶם צְרוּיָה וַאֲבִיגָיִל וּבְנֵי צְרוּיָה אַבְשַׁי וְיוֹאָב וַעֲשָׂהאֵלשְׁלֹשָׁה. א ביז וַאֲבִיגַיִל יָלְדָה אֶת-עֲמָשָׂא וַאֲבִי עֲמָשָׂא יֶתֶר הַיִּשְׁמְעֵאלִי. א ביח וְכָלֵב בֶּן-חֶצְרוֹן הוֹלִיד אֶת-עֲזוּבָה אִשָּׁהוְאֶת-יְרִיעוֹת וְאֵלֶּה בָנֶיהָ יֵשֶׁר וְשׁוֹבָב וְאַרְדּוֹן. א ביט וַתָּמָת עֲזוּבָה וַיִּקַּח-לוֹ כָלֵב אֶת-אֶפְרָת וַתֵּלֶד לוֹ אֶת-חוּר. א בכ וְחוּר הוֹלִיד אֶת-אוּרִי וְאוּרִי הוֹלִיד אֶת-בְּצַלְאֵל. א בכא וְאַחַר בָּא חֶצְרוֹן אֶל-בַּת-מָכִיר אֲבִי גִלְעָד וְהוּא לְקָחָהּ וְהוּא בֶּן-שִׁשִּׁים שָׁנָה וַתֵּלֶד לוֹ אֶת-שְׂגוּב. א בכב וּשְׂגוּב הוֹלִיד אֶת-יָאִיר וַיְהִי-לוֹ עֶשְׂרִים וְשָׁלוֹשׁ עָרִים בְּאֶרֶץ הַגִּלְעָד. א בכג וַיִּקַּח גְּשׁוּר-וַאֲרָם אֶת-חַוֹּת יָאִיר מֵאִתָּם אֶת-קְנָת וְאֶת-בְּנֹתֶיהָשִׁשִּׁים עִיר כָּל-אֵלֶּה בְּנֵי מָכִיר אֲבִי-גִלְעָד. א בכד וְאַחַר מוֹת-חֶצְרוֹן בְּכָלֵב אֶפְרָתָה וְאֵשֶׁת חֶצְרוֹן אֲבִיָּה וַתֵּלֶד לוֹ אֶת-אַשְׁחוּר אֲבִי תְקוֹעַ. א בכה וַיִּהְיוּ בְנֵי-יְרַחְמְאֵל בְּכוֹר חֶצְרוֹן הַבְּכוֹר רָם וּבוּנָה וָאֹרֶן וָאֹצֶם אֲחִיָּה. א בכו וַתְּהִי אִשָּׁה אַחֶרֶת לִירַחְמְאֵל וּשְׁמָהּ עֲטָרָה הִיא אֵם אוֹנָם. א בכז וַיִּהְיוּ בְנֵי-רָם בְּכוֹר יְרַחְמְאֵלמַעַץ וְיָמִין וָעֵקֶר. א בכח וַיִּהְיוּ בְנֵי-אוֹנָם שַׁמַּי וְיָדָע וּבְנֵי שַׁמַּי נָדָב וַאֲבִישׁוּר. א בכט וְשֵׁם אֵשֶׁת אֲבִישׁוּר אֲבִיהָיִל וַתֵּלֶד לוֹ אֶת-אַחְבָּן וְאֶת-מוֹלִיד. א בל וּבְנֵי נָדָב סֶלֶד וְאַפָּיִם וַיָּמָת סֶלֶד לֹא בָנִים. א בלא וּבְנֵי אַפַּיִם יִשְׁעִי וּבְנֵי יִשְׁעִי שֵׁשָׁן וּבְנֵי שֵׁשָׁן אַחְלָי. א בלב וּבְנֵי יָדָע אֲחִי שַׁמַּי יֶתֶר וְיוֹנָתָן וַיָּמָת יֶתֶר לֹא בָנִים. א בלג וּבְנֵי יוֹנָתָן פֶּלֶת וְזָזָא אֵלֶּה הָיוּ בְּנֵי יְרַחְמְאֵל. א בלד וְלֹא-הָיָה לְשֵׁשָׁן בָּנִים כִּי אִם-בָּנוֹת וּלְשֵׁשָׁן עֶבֶד מִצְרִי וּשְׁמוֹ יַרְחָע. א בלה וַיִּתֵּן שֵׁשָׁן אֶת-בִּתּוֹ לְיַרְחָע עַבְדּוֹ לְאִשָּׁה וַתֵּלֶד לוֹ אֶת-עַתָּי. א בלו וְעַתַּי הֹלִיד אֶת-נָתָן וְנָתָן הוֹלִיד אֶת-זָבָד. א בלז וְזָבָד הוֹלִיד אֶת-אֶפְלָל וְאֶפְלָל הוֹלִיד אֶת-עוֹבֵד. א בלח וְעוֹבֵד הוֹלִיד אֶת-יֵהוּא וְיֵהוּא הֹלִיד אֶת-עֲזַרְיָה. א בלט וַעֲזַרְיָה הֹלִיד אֶת-חָלֶץ וְחֶלֶץ הֹלִיד אֶת-אֶלְעָשָׂה. א במ וְאֶלְעָשָׂה הֹלִיד אֶת-סִסְמָי וְסִסְמַי הֹלִיד אֶת-שַׁלּוּם. א במא וְשַׁלּוּם הוֹלִיד אֶת-יְקַמְיָה וִיקַמְיָה הֹלִיד אֶת-אֱלִישָׁמָע. א במב וּבְנֵי כָלֵב אֲחִי יְרַחְמְאֵל מֵישָׁע בְּכֹרוֹ הוּא אֲבִי-זִיף וּבְנֵי מָרֵשָׁה אֲבִי חֶבְרוֹן. א במג וּבְנֵי חֶבְרוֹןקֹרַח וְתַפֻּחַ וְרֶקֶם וָשָׁמַע. א במד וְשֶׁמַע הוֹלִיד אֶת-רַחַם אֲבִי יָרְקְעָם וְרֶקֶם הוֹלִיד אֶת-שַׁמָּי. א במה וּבֶן-שַׁמַּי מָעוֹן וּמָעוֹן אֲבִי בֵית-צוּר. א במו וְעֵיפָה פִּילֶגֶשׁ כָּלֵב יָלְדָה אֶת-חָרָן וְאֶת-מוֹצָא וְאֶת-גָּזֵז וְחָרָן הֹלִיד אֶת-גָּזֵז. א במז וּבְנֵי יָהְדָּירֶגֶם וְיוֹתָם וְגֵישָׁן וָפֶלֶט וְעֵיפָה וָשָׁעַף. א במח פִּילֶגֶשׁ כָּלֵב מַעֲכָה יָלַד שֶׁבֶר וְאֶת-תִּרְחֲנָה. א במט וַתֵּלֶד שַׁעַף אֲבִי מַדְמַנָּה אֶת-שְׁוָא אֲבִי מַכְבֵּנָה וַאֲבִי גִבְעָא וּבַת-כָּלֵב עַכְסָה. א בנ אֵלֶּה הָיוּ בְּנֵי כָלֵב בֶּן-חוּר בְּכוֹר אֶפְרָתָהשׁוֹבָל אֲבִי קִרְיַת יְעָרִים. א בנא שַׂלְמָא אֲבִי בֵית-לָחֶם חָרֵף אֲבִי בֵית-גָּדֵר. א בנב וַיִּהְיוּ בָנִים לְשׁוֹבָל אֲבִי קִרְיַת יְעָרִים הָרֹאֶה חֲצִי הַמְּנֻחוֹת. א בנג וּמִשְׁפְּחוֹת קִרְיַת יְעָרִיםהַיִּתְרִי וְהַפּוּתִי וְהַשֻּׁמָתִי וְהַמִּשְׁרָעִי מֵאֵלֶּה יָצְאוּ הַצָּרְעָתִיוְהָאֶשְׁתָּאֻלִי. א בנד בְּנֵי שַׂלְמָא בֵּית לֶחֶם וּנְטוֹפָתִי עַטְרוֹת בֵּית יוֹאָב וַחֲצִי הַמָּנַחְתִּי הַצָּרְעִי. א בנה וּמִשְׁפְּחוֹת סֹפְרִים ישבו (יֹשְׁבֵי) יַעְבֵּץ תִּרְעָתִים שִׁמְעָתִים שׂוּכָתִים הֵמָּה הַקִּינִים הַבָּאִים מֵחַמַּת אֲבִי בֵית-רֵכָב.