דברי א12

א יבא וְאֵלֶּה הַבָּאִים אֶל-דָּוִיד לְצִיקְלַג עוֹד עָצוּר מִפְּנֵי שָׁאוּל בֶּן-קִישׁ וְהֵמָּה בַּגִּבּוֹרִים עֹזְרֵי הַמִּלְחָמָה. א יבב נֹשְׁקֵי קֶשֶׁת מַיְמִינִים וּמַשְׂמִאלִים בָּאֲבָנִים וּבַחִצִּים בַּקָּשֶׁתמֵאֲחֵי שָׁאוּל מִבִּנְיָמִן. א יבג הָרֹאשׁ אֲחִיעֶזֶר וְיוֹאָשׁ בְּנֵי הַשְּׁמָעָה הַגִּבְעָתִי ויזואל (וִיזִיאֵל) וָפֶלֶט בְּנֵי עַזְמָוֶת וּבְרָכָה וְיֵהוּא הָעַנְּתֹתִי. א יבד וְיִשְׁמַעְיָה הַגִּבְעוֹנִי גִּבּוֹר בַּשְּׁלֹשִׁים וְעַל-הַשְּׁלֹשִׁים. א יבה וְיִרְמְיָה וְיַחֲזִיאֵל וְיוֹחָנָן וְיוֹזָבָד הַגְּדֵרָתִי. א יבו אֶלְעוּזַי וִירִימוֹת וּבְעַלְיָה וּשְׁמַרְיָהוּ וּשְׁפַטְיָהוּ החריפי (הַחֲרוּפִי). א יבז אֶלְקָנָה וְיִשִּׁיָּהוּ וַעֲזַרְאֵל וְיוֹעֶזֶר וְיָשָׁבְעָםהַקָּרְחִים. א יבח וְיוֹעֵאלָה וּזְבַדְיָה בְּנֵי יְרֹחָם מִן-הַגְּדוֹר. א יבט וּמִן-הַגָּדִי נִבְדְּלוּ אֶל-דָּוִיד לַמְצַד מִדְבָּרָה גִּבֹּרֵי הַחַיִל אַנְשֵׁי צָבָא לַמִּלְחָמָהעֹרְכֵי צִנָּה וָרֹמַח וּפְנֵי אַרְיֵה פְּנֵיהֶם וְכִצְבָאיִם עַל-הֶהָרִים לְמַהֵר. א יבי עֵזֶר הָרֹאשׁ עֹבַדְיָה הַשֵּׁנִי אֱלִיאָב הַשְּׁלִשִׁי. א יביא מִשְׁמַנָּה הָרְבִיעִי יִרְמְיָה הַחֲמִשִׁי. א יביב עַתַּי הַשִּׁשִּׁי אֱלִיאֵל הַשְּׁבִעִי. א יביג יוֹחָנָן הַשְּׁמִינִי אֶלְזָבָד הַתְּשִׁיעִי. א יביד יִרְמְיָהוּ הָעֲשִׂירִי מַכְבַּנַּי עַשְׁתֵּי עָשָׂר. א יבטו אֵלֶּה מִבְּנֵי-גָד רָאשֵׁי הַצָּבָא אֶחָד לְמֵאָה הַקָּטָן וְהַגָּדוֹל לְאָלֶף. א יבטז אֵלֶּה הֵם אֲשֶׁר עָבְרוּ אֶת-הַיַּרְדֵּן בַּחֹדֶשׁ הָרִאשׁוֹן וְהוּא מְמַלֵּא עַל-כָּל-גדיתיו (גְּדוֹתָיו) וַיַּבְרִיחוּ אֶת-כָּל-הָעֲמָקִים לַמִּזְרָח וְלַמַּעֲרָב.

א יביז וַיָּבֹאוּ מִן-בְּנֵי בִנְיָמִן וִיהוּדָה עַד-לַמְצָד לְדָוִיד. א יביח וַיֵּצֵא דָוִיד לִפְנֵיהֶם וַיַּעַן וַיֹּאמֶר לָהֶם אִם-לְשָׁלוֹם בָּאתֶם אֵלַי לְעָזְרֵנִי יִהְיֶה-לִּי עֲלֵיכֶם לֵבָב לְיָחַד וְאִם-לְרַמּוֹתַנִי לְצָרַי בְּלֹא חָמָס בְּכַפַּי יֵרֶא אֱלֹהֵי אֲבוֹתֵינוּ וְיוֹכַח. א יביט וְרוּחַ לָבְשָׁה אֶת-עֲמָשַׂי רֹאשׁ השלושים (הַשָּׁלִישִׁים) לְךָ דָוִיד וְעִמְּךָ בֶן-יִשַׁי שָׁלוֹם שָׁלוֹם לְךָ וְשָׁלוֹם לְעֹזְרֶךָ כִּי עֲזָרְךָ אֱלֹהֶיךָ וַיְקַבְּלֵם דָּוִיד וַיִּתְּנֵם בְּרָאשֵׁי הַגְּדוּד.

א יבכ וּמִמְּנַשֶּׁה נָפְלוּ עַל-דָּוִיד בְּבֹאוֹ עִם-פְּלִשְׁתִּים עַל-שָׁאוּל לַמִּלְחָמָהוְלֹא עֲזָרֻם: כִּי בְעֵצָה שִׁלְּחֻהוּ סַרְנֵי פְלִשְׁתִּים לֵאמֹר בְּרָאשֵׁינוּ יִפּוֹל אֶל-אֲדֹנָיו שָׁאוּל. א יבכא בְּלֶכְתּוֹ אֶל-צִיקְלַג נָפְלוּ עָלָיו מִמְּנַשֶּׁה עַדְנַח וְיוֹזָבָד וִידִיעֲאֵל וּמִיכָאֵל וְיוֹזָבָד וֶאֱלִיהוּא וְצִלְּתָי: רָאשֵׁי הָאֲלָפִים אֲשֶׁר לִמְנַשֶּׁה. א יבכב וְהֵמָּה עָזְרוּ עִם-דָּוִיד עַל-הַגְּדוּד כִּי-גִבּוֹרֵי חַיִל כֻּלָּם וַיִּהְיוּ שָׂרִים בַּצָּבָא. א יבכג כִּי לְעֶת-יוֹם בְּיוֹם יָבֹאוּ עַל-דָּוִיד לְעָזְרוֹעַד-לְמַחֲנֶה גָדוֹל כְּמַחֲנֵה אֱלֹהִים.

א יבכד וְאֵלֶּה מִסְפְּרֵי רָאשֵׁי הֶחָלוּץ לַצָּבָא בָּאוּ עַל-דָּוִיד חֶבְרוֹנָה: לְהָסֵב מַלְכוּת שָׁאוּל אֵלָיוכְּפִי יְהוָה. א יבכה בְּנֵי יְהוּדָה נֹשְׂאֵי צִנָּה וָרֹמַחשֵׁשֶׁת אֲלָפִים וּשְׁמוֹנֶה מֵאוֹת חֲלוּצֵי צָבָא. א יבכו מִן-בְּנֵי שִׁמְעוֹן גִּבּוֹרֵי חַיִל לַצָּבָאשִׁבְעַת אֲלָפִים וּמֵאָה. א יבכז מִן-בְּנֵי הַלֵּוִיאַרְבַּעַת אֲלָפִים וְשֵׁשׁ מֵאוֹת. א יבכח וִיהוֹיָדָע הַנָּגִיד לְאַהֲרֹן וְעִמּוֹ שְׁלֹשֶׁת אֲלָפִים וּשְׁבַע מֵאוֹת. א יבכט וְצָדוֹק נַעַר גִּבּוֹר חָיִל וּבֵית-אָבִיו שָׂרִים עֶשְׂרִים וּשְׁנָיִם. א יבל וּמִן-בְּנֵי בִנְיָמִן אֲחֵי שָׁאוּל שְׁלֹשֶׁת אֲלָפִים וְעַד-הֵנָּה מַרְבִּיתָם שֹׁמְרִים מִשְׁמֶרֶת בֵּית שָׁאוּל. א יבלא וּמִן-בְּנֵי אֶפְרַיִם עֶשְׂרִים אֶלֶף וּשְׁמוֹנֶה מֵאוֹתגִּבּוֹרֵי חַיִל אַנְשֵׁי שֵׁמוֹת לְבֵית אֲבוֹתָם. א יבלב וּמֵחֲצִי מַטֵּה מְנַשֶּׁה שְׁמוֹנָה עָשָׂר אָלֶף אֲשֶׁר נִקְּבוּ בְּשֵׁמוֹת לָבוֹא לְהַמְלִיךְ אֶת-דָּוִיד. א יבלג וּמִבְּנֵי יִשָּׂשכָר יוֹדְעֵי בִינָה לַעִתִּים לָדַעַת מַה-יַּעֲשֶׂה יִשְׂרָאֵלרָאשֵׁיהֶם מָאתַיִם וְכָל-אֲחֵיהֶם עַל-פִּיהֶם. א יבלד מִזְּבֻלוּן יוֹצְאֵי צָבָא עֹרְכֵי מִלְחָמָה בְּכָל-כְּלֵי מִלְחָמָהחֲמִשִּׁים אָלֶף: וְלַעֲדֹר בְּלֹא-לֵב וָלֵב. א יבלה וּמִנַּפְתָּלִי שָׂרִים אָלֶף וְעִמָּהֶם בְּצִנָּה וַחֲנִית שְׁלֹשִׁים וְשִׁבְעָה אָלֶף. א יבלו וּמִן-הַדָּנִי עֹרְכֵי מִלְחָמָה עֶשְׂרִים-וּשְׁמוֹנָה אֶלֶף וְשֵׁשׁ מֵאוֹת. א יבלז וּמֵאָשֵׁר יוֹצְאֵי צָבָא לַעֲרֹךְ מִלְחָמָהאַרְבָּעִים אָלֶף. א יבלח וּמֵעֵבֶר לַיַּרְדֵּן מִן-הָראוּבֵנִי וְהַגָּדִי וַחֲצִי שֵׁבֶט מְנַשֶּׁה בְּכֹל כְּלֵי צְבָא מִלְחָמָהמֵאָה וְעֶשְׂרִים אָלֶף. א יבלט כָּל-אֵלֶּה אַנְשֵׁי מִלְחָמָה עֹדְרֵי מַעֲרָכָה בְּלֵבָב שָׁלֵם בָּאוּ חֶבְרוֹנָה לְהַמְלִיךְ אֶת-דָּוִיד עַל-כָּל-יִשְׂרָאֵל וְגַם כָּל-שֵׁרִית יִשְׂרָאֵל לֵב אֶחָדלְהַמְלִיךְ אֶת-דָּוִיד. א יבמ וַיִּהְיוּ-שָׁם עִם-דָּוִיד יָמִים שְׁלוֹשָׁה אֹכְלִים וְשׁוֹתִים: כִּי-הֵכִינוּ לָהֶם אֲחֵיהֶם. א יבמא וְגַם הַקְּרוֹבִים-אֲלֵיהֶם עַד-יִשָּׂשכָר וּזְבֻלוּן וְנַפְתָּלִי מְבִיאִים לֶחֶם בַּחֲמוֹרִים וּבַגְּמַלִּים וּבַפְּרָדִים וּבַבָּקָר מַאֲכָל קֶמַח דְּבֵלִים וְצִמּוּקִים וְיַיִן-וְשֶׁמֶן וּבָקָר וְצֹאןלָרֹב: כִּי שִׂמְחָה בְּיִשְׂרָאֵל.